Әтнәләр, гимн язарга кирәк...

"Юнармейцы" дип ишеткәнегез бармы? Безнеңчә әйтсәк, яшь армиячеләр, яшь патриотлар инде. Аларның үзләренең өс киемнәре, баш киемнәре бар. Чаралары үтә. Тамга өчен генә кәгазьдә яши торган оешма түгел. Яшь армиячеләр оешмасы Әтнәдә дә уңышлы гына эшләп килә. Менә шушы оешма өчен гимн язарга кирәк. Язу срогы 2 апрельгә кадәр.

Язган текстыгызны редакциянең электрон почтасына сала аласыз, газетада язылган. Почта аша да җибәрергә мөмкин. Гимн текстларын Арча-Әтнә хәрби комиссары Алмаз Әгъзәм улы Борһанов белән берлектә карап, нәтиҗә чыгарачакбыз. Билгеле инде бу чарадан яшь армиячеләр үзләре дә читтә калмаслар, актив булырлар, дип уйлыйбыз.