Әтнәләр ишеттегезме

Казанда кызыл автобуслар белән бәйле тагын бер һәлакәт. Ул иртәнге сәгать 7ләр тирәсендә "Академик Сахаров урамы" тукталышы янында булган. Фаразлар буенча, һәлакәт ике җәмәгать транспорты - автобус һәм троллейбусның бер-берсенә юл бирә алмавы аркасында килеп чыккан.

Автобуска шактый зыян килгән: йөртүче ягындагы сул як тәрәзәсе челпәрәмә килгән, кабинасы җимерелгән. Һәлакәтнең шаһитлары әйтүенчә, бер ир-атны"Ашыгыч ярдәм" машинасы алып киткән. Салонда пассажирлар булмаган, дип әйтелә.