Әтнәләр, ишеттегезме өч бала белән әби янып үлгән

Өлкән яшьтәге хатын белән өч баланың гәүдәсен янгыннан соң калган кисәүләр арасыннан табып алганнар. Бу хәл Мәскәү астындагы Черкизово поселкында шәхси хуҗалык йортында булган. Янгынның сәбәпләрен ачыклау бара. Дүртенче баланы әти-әниләре янгын булырга бер көн кала Мәскәүгә кунакка җибәрәләр, дип хәбәр итә РИА Новости. Янгынны сүндерүдә 12 техника 37 кеше катнаша. Әтнәләр, сак булыгыз, бездә дә күптән түгел генә янгын булды. Балаларны караучысыз калдырмагыз. Өлкәннәрне дә! Янгын сүндерүчеләр шулай дип кисәтә.