Әтнәләр ишеттегезме, самолет һәлакәткә юлыккан, борттагылар үлеп беткән

Ан-2 самолетының һәлакәткә юлыгуы аркасында өч кеше үлгән. Ул Стәрлетамактан Орскка очучы самолет булган. Беренчел фаразлар буенча, очкыч начар һава торышы - көчле томан аркасында мәтәлеп төшкән. Очкычның техник төзексезлеге дә кире кагылмый. Стәрлетамактан очып киткән самолет Орск аэропортына билгеләнгән вакытка төшеп утырмаган, экипаж вәкилләре элемтәгә чыкмаган, диелә. Эзләү барышында Орск янында аның калдыклары табыла. Бортта нефть компаниясе инженеры һәм Ан-2 самолетының ике экипаж әгъзасы булган. Самолетның Оренбург өлкәсендә торба сузылган трассаларны очып әйләнеп узышы булган. Интертат.ру