Әтнәләр сезнең ярдәм кирәк

Әтнә - Дөбьяз - Каменка трассасында 15 июнь көнне булган юл һәлакәте турында язып узган идек.Ул чакта Бәрәзә авылы янында Opel Zafira белән Газель машинасы бәрелешкән иде.

Нәтиҗәдә, Газельга ут кабып, машина йөртүче һәм пассажирлар пешү нәтиҗәсендә тән җәрәхәтләре алып, хастаханәгә салынды. Берсе бик авыр хәлдә республика клиник хастаханәсенә озатылды. Яңа гына кайгылы хәбәр килеп иреште, алган җәрәхәтләрдән ул пассажир вафат булган. Шушы уңайдан, республика ЮХИДИ идарәсе әлеге юл һәлакәтенә шаһит булган машина йөртүчеләрне эзли.

Күрүчеләр 89046686990 телефонына шалтырата ала.