Әтнәләр сөлге-тастымал агарта

Кайнатмыйча гына, кер машинасында юмыйча гыга сөлгеләрегезне агартасыгыз киләме? Борынгыдан килгән серен ачабыз, эшләп карагыз, чынлап та агарта. Бер чиләк суны тутырмыйча гына кайнатып чыгарыгыз, шуңа 2 аш кашыгы симәнке мае салыгыз, 2 аш кашыгы коры кер агарткыч катнашма ("Лебедь", "Босс"...) һәм бер стаканның яртысыннан аз гына арттырып кер юа торган порошок салып болгатыгыз. Сөлгеләрне, тастымалларны, коры килеш, менә шушы катнашмага салып, чиләктәге су суынганчыга кадәр калдырыгыз. Суынгач, сыгып алып чайкагыз. Агартып кына калмыйча, сөлгеләрдәге тапларны да бетерә.