Әтнәләр видеокамералар яклы

Мәскәүдә "зебр"да җәяүлеләргә юл бирмәгән һәм стоп-линиягә кергән транспорт йөртүчеләрне агымдагы ел ахырына кадәр үк видеокамералар ярдәмендә ачыклый башларга уйлыйлар. Бу уңайдан, тиздән хокукый базаларны гамәлгә кертәчәкләр. Эксперимент рәвешендә камераларны эшләтеп караганнар инде. Ул уңышлы дип табылган. Исегезгә төшерәбез, закон нигезендә тиешле урында җәяүлене уздырмаган өчен 1500 сум штраф түләргә кирәк. Ә стоп-линияне үткән өчен - 800 сум. Җәяүлеләр белән бу хакта сөйләштек. Әтнәлеләрнең шактые мондый видеокамералар һәр җирдә булсын иде дигән фикердә.