Әтнәләргә математиканы өйрәнәсе дә өйрәнәсе

Бердәм дәүләт имтиханына ничек кенә әзерләнмибез, укыйм дигән укучыга мөмкинлекләр җитәрлек, хәтта "Пробный ЕГЭ" дигәне дә бар. Күптән түгел районыбыз укучылары рус теле һәм математикадан әнә шундый сынау үттеләр. "Рус теленнән булган имтиханга Күңгәр, Күлле Киме мәктәпләре укучылары катнашмады, калган мәктәпләр катнашты. Нәтиҗәләр начар түгел, ә менә математика фәненнән барлык мәктәп укучылары да "Пробный ЕГЭ" биреп карадылар, тик куанырлык түгел, әле өйрәнәсе дә өйрәнәсе, эшлисе дә эшлисе...", - диде район мәгариф бүлеге мөдире Гөлшат Закирова.