Әтнәләрне кисәтәләр

Районның 108нче янгын бүлеге начальнигы Илнур Гиндуллин, буран, кар көртләре, автомобильнең таеп китү куркынычлары белән бәйле вазгыять уңаеннан, Гадәттән тыш хәлләр буенча республика комиссиясе утырышы булуын хәбәр итте. Алдагы берничә көндә мондый хәлнең кабатлану куркынычы бар. Шуңа күрә сак булырга, бик мөһим булмаганда ерак юлга чыкмаска киңәш итәләр. Барыннан да бигрәк балаларга карата игътибарлырак булу сорала: үзләре генә юлга чыгып китмәсеннәр. Моннан тыш, авыл җирлекләре уяулыгы да күз уңында: авылларга оператив хезмәт техникасы кереп-чыгып йөри алсын. Кар көртләрен, юлларны көрәтеп торырга кирәк.