Әтнә таңы

Әтнәнең Бәрәскә мәктәбе яңара

Гыйнвар аенда Бәрәскә мәктәбен дә ремонтлый башладылар, бу мәктәп тә танымаслык булып үзгәрәчәк. Бу хакта төзелеш прорабы Илшат Муллаҗановтан сораштык. Объектта Әтнә МСО оешмасы - барысы 18 кеше эшли. Эшчеләрнең 5се урамда - Ирек Ваһитов бригадасы фасад төзелешендә, янә 10сы эчке эшләр белән мәшгуль. 3 электрик һәм 3 сантехник та...

Гыйнвар аенда Бәрәскә мәктәбен дә ремонтлый башладылар, бу мәктәп тә танымаслык булып үзгәрәчәк.

Бу хакта төзелеш прорабы Илшат Муллаҗановтан сораштык.

Объектта Әтнә МСО оешмасы - барысы 18 кеше эшли. Эшчеләрнең 5се урамда - Ирек Ваһитов бригадасы фасад төзелешендә, янә 10сы эчке эшләр белән мәшгуль. 3 электрик һәм 3 сантехник та биредә үк көч куя. Эшне мәктәпнең тышын җылытып, матурайтудан башлаганнар.

- Яңа уку елы башланганчы төгәлләргә уйлыйбыз. Мәктәп заманча төсмер алачак, - ди прораб.

Спортзалда эшне тәмамлап яталар. Стеналар тигезләнеп, идән шлифовать ителә һәм соңыннан буяла. Тышкы ишекләр алмаштырыла. Янгынга каршы сигнализацияләр дә куелган.

- Ә иң мөһиме - биредә ике чишенү-киенү бүлмәләре була, - дип сүзгә авыл җирлеге башлыгы Аида Фатыхова да кушылды.

Мәктәпнең җылыту системасы да тулысынча үзгәрә: яңа җылылык челтәре урнаша. Эче дә үзгәрә: заманча төсмер ала. Ашханәгә кергәндә кулларны юар өчен раковиналар урнаштырылган иде - аларны стена өеп бүлгәннәр. Икенче катка менү өлеше ярымачык хәлдә иде, анда да стена өйгәннәр. Баскычларга плитка ябыштырыла. Икенче каттагы идән дә плиткадан, ә түшәме армстронгтан була. Мәктәпкә керү өлешен дә тулысынча яңарталар. Укучы малайлар һәм кызлар, шулай ук персонал бәдрәфләреннән тыш, "Ачык мохит" программасы нигезендә инвалидлар өчен дә аерым итәргә планлаштыралар.

- Тагын бер зур яңалыкларның берсе - кабинетлар саны арта, - ди җирлек җитәкчесе.

Аңларга кирәк, хәзер укучылар саны аз, ә кабинетлар дөрестән дә артык зур. Җитәкче сүзләренә караганда, IV чиректә мәктәптә 2 сменалы укуга күчәләр. Әлегә 1 катта һәм 2 катның 3 бүлмәсендә укыйлар. Аңлашыладыр, барысы да вакытлы кыенлык: аның каравы соңыннан якты, җылы, заманча бизәлешле мәктәптә укучыга да, эшләүчегә дә күңелле булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: