Әтнәнең "Кояшкай" сабыйлары Су анасына ярдәм итте (фоторепортаж)

Олы Әтнәнең "Кояшкай балалар бакчасында Бөек шагыйребез Габдулла Тукайның туган көне уңаеннан "Су анасы маҗаралары" исеме астында кичә булып узды. Кичәдә кечкенәләр группасына йөрүче сабыйлар һәм аларның тәрбиячеләре катнашты. Тәрбиячеләр Рафия Мостафина һәм Роза Төхфәтуллина, музыкаль җитәкче Альбина Зәйнуллина белән бергәләп сабыйлар ЧСу анасына өенә кайтырга булыштылар, җырлар җырладылар, шигырьләр сөйләделәр. Күчтәнәчкә- бергәләшеп татарча мульфильмнар да карадылар. Зәвыклы итеп әзерләнгән кызыклы чараны бүтән группага йөрүче сабыйлар да зур игътибар белән карады.

\