Әтнә таңы

Әтнәнең Сарман урамында –Яңа ел!

Менә өченче ел рәттән урамыбыз белән бергә Яңа елны каршы алабыз. Бар да каршы ала, дисездер инде. Әйе, тик безнең урам үзенчә каршылый. Алдан әзерләнәбез: иң элек чана шуар өчен тау ясыйбыз, бу эшкә кемнең вакыты, теләге бар, шул катнаша, тау өелә, сулар сибеп катырыла, сынала. Яңа ел җитәрәк чираттагы...

Реклама

Менә өченче ел рәттән урамыбыз белән бергә Яңа елны каршы алабыз. Бар да каршы ала, дисездер инде. Әйе, тик безнең урам үзенчә каршылый. Алдан әзерләнәбез: иң элек чана шуар өчен тау ясыйбыз, бу эшкә кемнең вакыты, теләге бар, шул катнаша, тау өелә, сулар сибеп катырыла, сынала. Яңа ел җитәрәк чираттагы капка алдына чыгарып куяр өчен өстәл әзерләнә, билгеле инде өйдәге өстәлне чыгарып куймыйсың, кем ничек әзерли. Кемдер зур тимер мичкә өстенә такта куя, клеенка җәя. Ә быелгысы тимердән эретеп ябыштырылып ясалган. Өске ягында такта, клеенка җәелгән. Өстәл дә ул дәрәҗәдә мөһим түгел әле. Таудан соң, урам бизәлә: коймаларга гирлянда куела. Быел күршеләребез чыршы алып кайтып куйдылар һәм ул төрле утлар белән бизәлде. Кичке яктагы матурлыкны күрсәгез. Яңа ел төненең салкынлыгын хәтерлисездер. Ә без Путинның чыгышын тыңлагач, урамга ашыктык, чөнки бар да шунда. Салют ату, бер-береңне котлау...һәм кайнар бәлеш. Быелгы бәлешне, бәрәңгеле каз итеннән пешкән бәлешне Зөлфиябез әзерләде. Берәү дә кушмый аны, ашаганда "Киләсе яңа елга мин пешерәм", дип хуҗабикә үз өстенә ала һәм шул күршенең капка төбе бизәлә. Суык, кайнар бәлеш, музыка ...бию, тау шуу... 3-4кә кадәр, нәрсәсе бар дисезме, бернәрсәсе дә юк, оештырып карагыз, күңеллелеге бердәмлектә! Эчеп исереп берәү дә аунап ятмый, авыз иткәннәр дә бии-бии айный... Ә иң мөһиме: урамыбыз белән бер гаилә булып яшибез, кайгы-шатлык уртак. Бер-беребезгә таяна алабыз. Ходай Тәгалә менә шушы бәхеттән аермасын. Сез дә шулай каршылап карагыз...вак-төяк күңеллелектән зур шатлык, бәйрәм хасил була...

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: