Әтнә таңы

Токсиколог балаларга 14 яшькә кадәр гөмбә ашарга ярамавын әйтте

Белгечләр гөмбәнең агулы булуы тәменә карап кына беленмәвен, гөмбәнең агуын пешереп тә, кыздырып та, туңдырып та бетереп булмавын искәртте.

  Балаларга 14 яшькә кадәр гөмбә ашау киңәш ителми. Бу хакта бүген «Татар-информ» агентлыгында матбугат конференциясендә Татарстан Сәламәтлек саклау министрлыгының баш токсикологы Алия Насыйбуллина хәбәр итте.

«Балаларга гөмбә ашарга ярамый. 14 яшьтән, организмның фермент системалары формалашкач, органнар олы кешенеке кебек эшли башлагач, фермент системалар шушы авыр ризыкны эшкәртә башлагач кына гөмбә ашарга була. Ә 14 яшькә кадәр тыела! Хәтта олылар организмы да гөмбәне тулысынча эшкәртә алмый», — диде Алия Насыйбуллина.

Реклама

Белгечләр гөмбәнең агулы икәнен тәменә карап кына белеп булмавын әйтә. Гөмбәнең агуы пешергәндә дә, кыздырганда да, туңдырганда да бетми. Шулай ук, гөмбәне чи килеш кабып карарга ярамый.

«Еш кына тәҗрибәле гөмбәчеләрнең кәрзиненә дә ашарга яраксыз гөмбәләр эләгә. Агулы гөмбәне белмәгәнлектән, аны ал гөмбә (сыроежка) һәм шампиньон белән бутыйлар. Галерина каймовая, рядовка кебек гөмбәләр дә бик агулы. Дуңгыз гөмбәсе ашарга яраксыз санала, аны ризык итеп куллану аяныч нәтиҗәләргә китерә ала», — диде миколог Ким Потапов. 

Чыганак: https://tatar-inform.tatar/news/health/29-09-2020/toksikolog-balalarga-14-yashk-kad-r-g-mb-asharga-yaramavyn-ytte-5775133

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: