ТР авылларында яшәүче өченче һәм аннан соңгы баласын тапкан хатын-кызларга 100әр мең сум акча түләячәкләр
2016 елдан 2018 елга кадәр республикабызда яшәүче 29 яшькә кадәрге 124 хатын-кыз дүртенче, бишенче һәм алтынчы тапкыр әни булдылар
Татарстан авылларында яшәп, өченче, дүртенче, аннан соңгы баласын тапкан 29 яшькә кадәрге хатын-кызларга бер тапкыр 100 мең сум акча түләнәчәк. Бу хакта ТР Хезмәт, мәшгульлек һәм социаль яклау министры Эльмира Зарипова сөйләде.
"Бүген 29 яшькә кадәр хатын-кыз өченчесен генә түгел, дүртенче, бишенче һәм аннан соңгы баласын да тапса, аңа бер тапкыр 100 мең сум күләмендә акча түләнә. Бу - балалар туганда бик кирәкле акчалар...", - дип аңлатты Зарипова.
Министр искәртеп узганча, тиешле карар кабул ителгәнче, хатын-кызларга 100 мең сум күләмендә бер тапкыр бирелә торган акча өченче бала тугач кына бирелгән.
"Без анализ ясаганда, 2016-2018 елларда гына да 124 хатын-кыз 29 яшькә кадәр өченче баланы гына түгел, ә дүртенче, бишенче, алтынчы сабыйның әнисе булды. Социаль гаделлекне торгызу максатларында Татарстан Президенты Рөстәм Нургали улы Миңнеханов тарафыннан бу карар кабул ителде", - дип ассызыклады ТР Хезмәт министрлыгы башлыгы.
Милли проектлар 2019 ел башыннан Россия Президенты Владимир Путинның " май " указы нигезендә тормышка ашырыла. Татарстанда «Демография» милли проектын тормышка ашыру өчен 2020 елда 8,7 млрд.сум бүлеп бирелгән.
Следите за самым важным и интересным в Telegram-каналеТатмедиа
Нет комментариев