ТУУЧЫЛАР САНЫ АЗРАК

Районның ЗАГС бүлеге биргән мәгъ­лүматларга караганда, июнь аенда 6 бала дөньяга килгән, 12 кеше үлгән. Язылышучылар саны - 18, бер пар аерылышкан. Узган елның шул аенда 8 бала туган, 22 кеше үлгән. 12 пар язылышкан, аерылышучылар бөтенләй дә булмаган. Гомумән алганда, агымдагы елның алты аенда барлыгы 56 бала туган, 110 кеше үлгән. 39 пар язылышса, 13 пар аерылышкан. Узган елны шул вакыт эчендә 64 бала туып, 97 кеше вафат булган. Язылышучылар саны 35, аерылышкан парлар 12 булган.