Тузиков: Конституциягә төзәтмәләр безнең тарихны спекуляцияләрдән саклаячак
Илнең төп законына тарихи дөреслекне яклау турында статья кертеләчәк.
РФ Конституциясенә тарихи дөреслекне яклау турындагы төзәтмә безнең хәтеребезне һәм тарихны ил эчендә дә, аннан читтә дә спекулянтлардан саклау өчен юнәлтелгән. Мондый фикерне «Татар-информ» МА корреспонденты белән әңгәмәдә КНИТУ дәүләт, муниципаль идарә һәм социология кафедрасы мөдире социология фәннәре докторы Андрей Тузиков белдерде.
«Без бүген үткән белән чын мәгълүмати сугыш булганын күрәбез. Һәм без, Россия гражданнары буларак, бу һөҗүмнәр өчен төп объектлар. Бөек Ватан сугышы башлануга илебез аз гына да гаепле түгел...", - дип сөйләде Тузиков.
Ул ата- бабаларыбызның истәлеге - мәдәни кодка язылган, дип өстәде. Россия халкының үзбилгеләнүе дә турыдан-туры Бөек Ватан сугышында җиңү белән бәйле. «Бу төзәтмә нәрсә яхшы, ә нәрсә начар икәнен төгәл билгеләргә тиеш. Әгәр без тирә-юньдә мондый төзәтмәләрнең кабул ителүен күрмәсәк, ул алай ук кирәк тә булмас иде", - дип ассызыклады социология фәннәре докторы. Аның сүзләренә караганда, Европаның күп кенә илләрендә Икенче бөтендөнья сугышы турында тарих турында дөрес булмаган фикерләр әйтелә.
Элегрәк «Татар-информ» МА Татарстан Дәүләт Советының Россия Конституциясенә төзәтмәләр турындагы законны хуплавын хәбәр иткән иде.
Следите за самым важным и интересным в Telegram-каналеТатмедиа
Нет комментариев