Әтнә таңы

Укытучы буласың киләме?

Мин Күңгәр мәктәбенең 8 нче сыйныфында укыйм. 8 дә генә булсам да, мин инде 3 тапкыр укытучы булган кеше. Юк,мин мактанмый, мин горурланып сезгә, 14 яшемдә үземне укытучы ролендә сынап карарга өлгердем дип әйтүем . Юк,мин генә түгел, ә ярты мәктәп укучылары укытучы булдылар. Без бернинди дә педкөллияткә дә бармадык....

Реклама

Мин Күңгәр мәктәбенең 8 нче сыйныфында укыйм. 8 дә генә булсам да, мин инде 3 тапкыр укытучы булган кеше. Юк,мин мактанмый, мин горурланып сезгә, 14 яшемдә үземне укытучы ролендә сынап карарга өлгердем дип әйтүем . Юк,мин генә түгел, ә ярты мәктәп укучылары укытучы булдылар. Без бернинди дә педкөллияткә дә бармадык. Без үзебезнең яраткан мәктәбебездә генә калдык. Ә укытучылары кая киткән икән дисезме? Юк, укытучыларыбызда бер кая китмәде. Укучыларның укытучыларга әверерлүләрен хәзер бәйнә-бәйнә сөйләп бирәм. Күптән түгел , укытучылар көне булып узды. Без укытучыларыбызга видеоролик әзерләдек.Аннан без үзебезне укытучы профессиясендә дә сынап карага булдык. Укытучыларыбызны авыр , җаваплы эшләренннән бераз арындырып торырга кирәк дигән карарга килдек. Белсәгез иде, ничек беренче тәнәфес вакытында укучыларның җәдвал(расписание) янында өелешеп торганнарын. Өелешеп, чөнки анда бигрәкләр дә күп иде алар,хәтта алар кырыеннан үтеп китеп тә булмый иде. Килгән кеше, баскычтан урап китте аларны. Анда,әлбәттә : -Мин математика укытам! - Мин Рафиль абый дәресен алам. - Ә мин 4 нче классларны укытачакмын! Син ни укытасың?- дияләр иделәр дә, Гөлназ апага туп-туры чабалар иде. Югыйсә, иртәгеге көнгә генә укыталар ич. Ахры,бу көн укытучылар күңелендә генә түгел, ә укучыларда да калгандыр. Үзеннән кечкенә булган балага,ул белмәгән темаларны аңлатырга, кырыс булмаска кирәк бит әле. Ә моның өстендә күпме җаваплылык тора! Ә-әйе, укытучы һөнәре бик авыр шул ул, ләкин шул ук вакытта гадәти булмаган, белем дөньясына илтүче һөнәр. Шулай да бик ерак китмим әле. Сүзем бит "укучыларның укытучыларга әверелүе" иде. Хәтта дәрес укытыр өчен чират-чират тордылар укучыларыбыз. Таркалашулар булмады ансы. Ләкин кемнең укытасы килде, барсының да күңеле булгандыр,минемчә. Миңа килгәндә, 5 нче һәм 6 нче сыйныфларга мин татар теле белән җәмгыять белеме укыттым. Беләсезме, мин алар белән ачык итеп сөйләшеп, турыдан-туры сөйли -сөйли аңлаттым. Аңладылар бит мине. Үземчә тиешле билгеләр дә куйдым. Мин татар телендә яздыртып алган идем. Миннән:"Рәзилә апа, минекен беренче тикшерегез әле? Әнә өстә ул."-дип матур күзләре белән ялварып сорадылар. Кая инде аларга кире әйтеп булсын ди. Икенче класска өй эшенә сочинение язарга кушканнар инде. Аларның фантазияләренә исем- акылым китте. Миндә булмаган әйбер боларда булгач,бераз көнләшеп тә куйдым шунда. Шул ук вакытта куандым да. Мәктәптә андый балалар булгач,горурландым. Миңа укытучы һөнәре авыр дип юкка гына әйтмәгәннәр шул. Мин моңа бер дә шикләнмиячәкмен. Укытучылар көне булып узса да, мин кабат районыбыз укытучыларын тагын бер кат Укытучылар көне белән котлап узасым килә. Сездә булган тырышлык, сабырлык, төпле фикерләр, юату һәм әлбәттә юмор хисе бары бер генә һөнәргә- ул укытучы һөнәренә генә туры киләдер,минемчә. Сезгә кабат теләкләрнең иң-иңнәрен генә теләп калам.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: