Ураза тотарга вакытың бармы
Коръән иңдерелә башлаган айда яшибез. Мөселманнар ураза тотарга тиешле ай бу. Көчебездән килгәнчә фарыз гамәлләрне үтәргә тырышабыз, үтәп бетереп тә булмый. Һәркемнең үз сәбәбе, кем ничек уйлый?
"...Хаста булганнар яки сәфәрдәгеләр (тотылмаган көннәре хисабынча) башка көннәрдә ураза тотар. Аллаһы сезгә җиңеллек тели, кыенлык теләми", диелә "Бәкара" сурәсе, 185 нче аятьтә. Ни дәрәҗәдә динле без? Ураза нәрсә бирә?
Ильяс, Югары Сәрдә авылы:
- Ураза тотмыйм, вакытым юк, авылда җәй көне эш тә бетми, көннәре дә озын. Дингә ышанам, тик әле үземнең кереп китә алганым юк. Дингә кермәгән, намаз укымаган, догалар белмәгән килеш ураза тоту да әллә ничек; вакыт җитсә, Ходай насыйп итсә, тотарбыз әле. Болай ураза тотып карарга исәбем бар үзе.
Раушания, Түбән Бәрәскә авылы:
Ураза тотам, Аллаһы Тәгалә кабуллардан итсен. Бернинди читенлеген дә күрмим. Ураза ризыкның кадерен белергә, исраф итмәскә кирәклеген аңлата, авыз ачканны түземсезлек белән, сәгатькә карап көтәбез бит.
Тулырак язманы "Әтнә таңы" газетасы битләреннән укыгыз
Следите за самым важным и интересным в Telegram-каналеТатмедиа
Нет комментариев