Виталий Мутко: “Казан Россиянең генә түгел, дөнья спортының үзәгенә әйләнде”

Бу сүзләрне Россиянең спорт министры Татарстан башкаласына Физкультурачылар көненә килгәч әйтте. Дөрестән дә спортта ирешкән уңышлары буенча илдә Казанга җитүче юк. Сүз дә юк, моңа яңгырдан соң үсеп чыккан гөмбәләр кебек бер-бер артлы калкып торучы спорт объектлары зур йогынты ясый. Нәтиҗәдә, ул объектларга килүчеләр саны арта, димәк, спорт белән шөгыльләнүчеләр дә күбәя. Иң мөһиме - алар берсе дә буш тормыйлар...

Бәхәссез факт: төрле спорт чаралары уздыруда Казанга җитүче юк. Әйтик, Универсиада һәм су спорты буенча дөнья чемпионаты моның ачык мисаллары. Мутконың: "Сезнең республикадан Россия җыелма командасы составында чыгыш ясаучылар саны артканнан-арта", - диюе бик кадерле.