Яңа ел чаралары саклык сорый!

1. Бинада Яңа ел чыршысын ышанычлы нигезгә урнаштырыгыз һәм чыгу юлларына теләсә-нәрсә өймәгез.
2. Төзек булмаган электр гирляндаларын кулланмагыз.
3. Бинада пиротехник эшләнмәләр һәм ачык ут кулланмагыз.
4. Балаларны ялгыз калдырмагыз, ут куллану кагыйдәләренә өйрәтегез.
5. Электр чыбыгы төзеклеген тикшереп торыгыз, акртык көчәнеш булмасын, кулдан ясалган электр җиһазлары кулланмагыз.
6. Электр җиһазларын кабызып калдырмагыз.
7. Урын-җирдә тәмәке тартмагыз, онытмагыз - сигарет һәм алкоголь янгынның төп сәбәпчеләре.

Янгынны сүндерүгә караганда, булдырмый калу отышлырак!

Ул-бу куркынычка тарысагыз, кичекмәстән "01", "112" телефон номерлары аша хәбәр итегез.

Пиротехника куллану кагыйдәләре:

- Эшләнмәне куллану инструкциясен яхшылап укып чыгарга иренмәгез;

- Фитильне кул сузымы ераклыгында гына яндырыгыз;

- Караучылар куркыныч зонадан, инструкциядә күрсәтелгәнчә, еракта булсыннар. Әмма ул 20 метрдан да ким булмасын.

Катгый тыела:

- Янып торган пиротехник эшләнмәне кулыгызда тотмагыз;

- Янып беткәннән соң, яисә, эшләмәсә дә өстенә иелеп карамагыз;

- Пиротехник эшләнмәне халык җыелу мөмкин булган юнәлешкә җибәрмәгез,

- Пиротехник эшләнмәне ябык бинада кулланмагыз;

- Пиротехник эшләнмәне бина, корылма, агач, электр чыбыгына якын җирдә һәм куркыныч зонадан кечерәк ераклыкта булсалар, кулланмагыз.