Яңа Шашы ветераннары концерт куйды

Соңгы вакытта ветераннарыбыз активлашып китте. Өлкәннәр көнендә сәхнәдән чыгыш ясаганнарына да сокландык. Авыл җирлекләрендә булган концертларын яратып карыйбыз. Дүшәмбе көнне Чишмәле Сап авылы клубында да Яңа Шашы авыл җирлегенә караган ветераннар тарафыннан концерт булды. "Моңлы җырлары, матур биюләре белән һәркайсыбызны сокландырдылар. Авыл җирлеге башлыгы Марат Сабирҗановның чыгыш ясаучыларга бүләк тапшыруы да күңелгә рәхәтлек бирде. һәркайсына сәламәтлек теләп, киләчәктә дә шулай матур итеп чыгыш ясауларын көтеп калабыз",- дип хәбәр итте авыл клубы мөдире Маһинур Бариева.