Яңа түгәрәкләр арта

Яңа уку елы башланыр алдыннан район мәктәптән тыш эшләр үзәгендә дә кызу эш кайный. Биредә мәктәпләргә түгәрәкләр бүленә башлады. Алар барлыгы 8 юнәлештә эшләячәк. Быелгы уку елында тагын бер яңалык - матбугат түгәрәге эшли башлаячак. Укучылар үзләре газета чыгарып, анда мәктәпләрдәге түгәрәкләр эшчәнлеге яктыртылыр дип көтелә. Техник иҗат, спорт буенча түгәрәкләр саны да артачак. «Бүгенге көндә мәгариф хезмәткәрләренең август конференциясенә әзерлек эшен алып барабыз. Елдагыча күргәзмәләр дә эшләячәк», - ди үзәк җитәкчесе Эльмира Мәгъсүмова.