Йомшак карлар ява...

Әкрен генә йомшак карлар ява,

Күңелләргә шатлык моң салып.

Яңа елда бәхет, шатлык килсен

Кышкы бураннарга уралып!

Күңелләрдә шатлык ташып торсын,

Сагышларга урын калмасын!

Алда туар көннәр якты булсын!

Ходай кайгылардан сакласын

Җир өстенә аклык-пакьлек алып килгән Яңа ел бәйрәме котлы булсын! Киләсе елның 365 көне дә бәхет-шатлык кына китерсен. Аткан таңнарыгыз барысы да алсу булсын. Тормыш юлларыгызда шатлыклы очрашулар, бәхетле елмаюлар, куанычлы мизгелләр күп булсын!