Йомырка бәясе нигә алтынга әйләнде?

Бүген бу сорауга Татарстан Республикасының Хөкүмәт йортында узган пресс-конференциядә авыл хуҗалыгы һәм азык-төлек министрының урынбасары Минсәгыйр Нуртдинов: "Бу кошчылык тармагында кулланыла торган азыкның кыйммәтләнүе, үзкыйммәте арту белән бәйле",- дип җавап бирде. Министр урынбасарының сүзләренә караганда Татарстанда йомырка җитештерү кимемәгән. Ел ахырына ул 1миллиардтан артыр дип фаразлана. Беррәттән министр урынбасары кибетләрдәге бәяләрнең авыл хуҗалыгы ярминкәләрендә сатылганнарыннан югары булуын ярминкәләрдә арадашчылар, сәүдә челтәрендәге чыгымнарга, керемнәргә бәйле бетмәс-төкәнмәс кәгазьләрнең булмавында күрә.

Чынлыкта да бу шулай, авыл кешесенең үз хисабы. Шәхси хуҗалыгында җитештерә дә сата, бәясе дә кибетнекеннән арзан. Әлегә 10 данәсе 40-45 сум тирәсендә тирбәлә.