Әтнә таңы

Юбилеең белән Наил абый

Язмышыңны Тәңре үзе, Җир язмышына урап - Җәйләр Сиңа җан иңдергән, Җәйгә тиң гомер юрап. Җир-күкләрне иңлим, дисәң, Акбүз атыңдыр - канатың. Мәңгәр дигән нурлы якны Син үз итеп яраттың. Җәй кояшы - яшьлек төсең, Кояшлы гомер көзең. Тарих булып чорлар кичәр, Җирдә калдырган эзең. Район гына түгел, республикада күренекле...

Язмышыңны Тәңре үзе,

Җир язмышына урап -

Җәйләр Сиңа җан иңдергән,

Җәйгә тиң гомер юрап.

Җир-күкләрне иңлим, дисәң,

Акбүз атыңдыр - канатың.

Мәңгәр дигән нурлы якны

Син үз итеп яраттың.

Җәй кояшы - яшьлек төсең,

Кояшлы гомер көзең.

Тарих булып чорлар кичәр,

Җирдә калдырган эзең.

Район гына түгел, республикада күренекле шәхес, 34 ел буе данлыклы "Чулпан" колхозын җитәкләгән, авыл халкының тормышын уңай якка үзгәртүгә үзеннән бик зур өлеш керткән олы хөрмәткә лаек якташыбыз - Әтнә "Әлмәндәр"е Наил Закир улы Сабировның шушы көннәрдә олы юбилее - 85 яшь тулган көне.

Хөрмәтле Наил абый! 1960 елда авылыбыз халкы Сезгә олы ышаныч белдереп, колхоз рәисе итеп сайлап куйды. Озак еллар колхоз рәисе булып эшләү чорында Сез әлеге ышанычны тулысынча аклап, халкыбызның олы рәхмәтенә ирештегез. Ул чор таләпләренә туры китереп аякка баскан 320 балага исәпләнгән ике этажлы урта мәктәп, мәдәният йорты, административ бина да - Сезнең хезмәтегез җимеше.Күмәк хуҗалыкка кергән өч авылда да башлангыч мәктәп, балалар бакчалары, медпунктлар эшләнде.Республиканың гына түгел, бөтен ил балаларын үзенә сыендырган Каенсар урманында урнашкан "Чулпан" пионерлагерен оештыру үзе генә дә ни тора. Авыл йортларына су һәм газ кертү, юлларның төзеклеге, яшь гаиләләр өчен төзелгән зур, иркен яңа йортлар, беренчеләрдән булып ачылган мәчет бинасы - боларның барысы да һичшиксез, Сезнең тырышлык .

Олы Мәңгәрдә туып-үсмәсәгез дә, Сез һәрвакыт безнең өчен зур хәрефтән Авылдаш булдыгыз. Әле дә аның матурлыгына, төзеклегенә игътибар биреп, кулыгыздан килгәнчә ярдәм итеп яшисез.

Наил абый!"Кем дә кем, бер башак үскән җирдә тагын берне үстерсә,бер үлән сабагы үскән җирдә - икене үстерсә, ул кешегә барлык кешелек рәхмәтле булыр!", - дип язган ирланд язучысы Джонатан Свифт. Һәм бу сүзләр белән килешми мөмкин түгел. Бүген Сезгә карата олы рәхмәтләребезне җиткереп , алдыгызда башыбызны иябез.Көнне - төнгә ялгап, минутларның кадерен белеп яши торган вакытта туып, Сез үзегезгә язмышны алдан ук билгеләп куйгансыз. Гомер бәйрәмегездә Сезгә шатлык-куанычлар, саулык- сәламәтлек, гаилә бәхете телибез. Ләлә апа белән бергә, тагын бик күп еллар арабызда яшәп, рух ныклыгы, иман байлыгы белән сугарылган күңелегез күтәренкелеген югалтмасагыз иде.

Иң изге теләкләр белән , "Мәңгәр" күмәк хуҗалыгы, Олы Мәңгәр авыл җирлеге идарәләре, авыл ветераннар советы,барлык Мәңгәр халкы.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: