Юл-транспорт һәлакәтендә мәктәп укучысы үлгән– “Әтнә таңы”

Укучы баланы 41 яшьлек йөртүче идарә итүендәгеToyota Corolla автомобиле бәрдергән. Юл-транспорт һәлакәте 14 гыйнвар кичке сәгать 6лар тирәсендә Буа районы Татар Буасы авылында булган. Укучы малай юлдан барган. Беренчел фаразлар буенча, машина йөртүче куркынычсыз тизлек режимын сакламаган һәм 15 яшьлек малайны бәрдергән. Үсмер үзе дә Юл йөрү кагыйдәсен бозган - кырыйда урын була торып, юлдан атлаган, киемендә яктылык кайтаргыч элементлар да буламаган. Җәяүле хастаханәдә җан биргән.

Әтнәлеләр, сабак алыгыз, Әтнәдә юл хәрәкәтен саклаучы инспекторлар күптәннән кисәтә, киемегездә яктылык кайтаргыч элементларны булдырыгыз. Җәяүлеләр йөри торган сукмакларны да кардан чистартып тору зыян итмәс.