Юлларга таш җәелде

"Күлле Киме авылында ике су башнясы ябык тора. Шушы уңайдан, "Чиста су" программасы буенча җир алырга йөрибез, - ди авыл җирлеге башлыгы Хәмит Гәрәев. - Киләсе елга, Алла боерса, шушы программа нигезендә, су булыр дип өметләнәбез. Ары авылы юлларына таш җәелде. Ерак авыл буларак Яңа Бәрәскәгә янгынга каршы мотопомпа алып куйдык. Бу авылда су белән бәйле проблемалар чишелә бүгенге көндә. Бактачы авылы халкы тырышлыгы белән авыл юлларына таш да җәелде", - ди ул.