Юрий Камалтынов "Сайлауларга килү Татарстанлыларның бердәмлеген күрсәтте"

Дәүләт советы рәисе урынбасары биргән мәгълүматлар буенча, күзәтүчеләрдән алган хәбәрләрдән күренгәнчә, сайлау участокларында артык зур тәртип бозу очраклары күзәтелмәгән.

Ул районнарга чыккач, шуңа игътибар иткән: "Сайлауларга кешеләрнең күп килүе куандырды. Бигрәк тә 14-15 сәгать вакыт аралыгында. Территориаль комиссияләрдә эш бик яхшы оештырылган", - диде.

Дәүләт Советы рәисе урынбасары сүзләреннән күренгәнчә, сайлау кампаниясенең алга куелган төп бурычы - Татарстан халкының бердәмлеген күрсәтә алды, дип саныйм. Һәркем зур җаваплылык тоеп, үзенең гражданлык бурычын үтәүнең мөһимлеген аңлыйлар", - диде.

Сайлаучылар арасында яшьләрнең күп булуы да шатландыра диде ул.