Әтнә таңы

Заманча юл төзелә

Олы Әтнәнең мәктәп­тән башлап больницага кадәрге юлын ватып, иске асфальтын гына түгел, ташлы балчыгын да машиналарга төяп чит­кә алып китәләр.

Реклама

Бу ни бу? Кайчанга кадәр дә­вам итәр икән? Су керткән­нән соң авыл урамнары­ның кай­берсендә резина итек, галоштан башка йө­реп тә булмавын күзаллаган хәлдә, сорау арты сорау туа. Сорауларга бире­дә эшләүчеләр җитәкче­се - "ВСК" компаниялә­ре төр­кеме директоры урынба­сары Вячеслав Магницкий җавап бирде.

- Башта ук халыкны тынычландырырга те­лим - эшне 6 сентябрь көн­не башладык, сентябрь ахыры-октябрь башларын­да төгәлләргә планлаш­тырабыз. Эшнең асылы - биредә заманча юл булачак. Үзегез күрәсез, юл - тар, ә моннан йөрүче машиналар гаять күп. Өс­тәвенә, бу юл­ның конструкциясе заман та­ләпләренә җавап бирми. Шуңа күрә - киңәйтәбез, 1 метрга тәбәнәгәйтәбез. Юлның асфальт өлеше 7 метр киңлектә булачак, моннан тыш, 3,5 метрлы "обочина" була. Үзегез күрәсез, бу юлның буеннан-буена халык күп килә торган оешмалар урнашкан. Менә аларга тагын берәү өстәлергә тора (бу очракта яңа төзелүче спорткомплекс­ны күз алдында тота дип фаразларга кирәк). Димәк, машина белән килүчеләр күп була, алар юл хәрәкәтенә комачауламасын өчен "обочина" шундый киң була, - диде Вячеслав Анатольевич.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: