178 кеше бүләк алачак

Комыргуҗа авыл җирлегендә дә шулай була. Ни дисәң дә дүрт авылның өлкәннәрен барлыйсылары бар. Барланган да  үзе, соңгы мәшәкатьләр белән мәшгуль алар.

- Өлкәннәр көненә чакыру билетлары язабыз. Ел саен шулай эшлибез. Бүләк-пакетларны таратканда бәйрәмгә чакыру биреп калдырабыз. Анысына табын әзерлибез. Аллага шөкер,  җирлектә олы яшьтәге кешеләребез аз түгел. Төрекләр авылында - 32, Ябынчыда -4, Мәрҗән авылында -28, Комыргуҗада - 61, Сәрдәдә -53. Аларның барысына да бүген күчтәнәч пакет тутырабыз. Матди ягын "Шахтер" хуҗалыгы кайгырта, ә калган оештыру- әзерләү эшләрен авыл җирлеге хезмәткәрләре башкара. Бәйрәм көнне җирлектәге бар хезмәткәргә дә эш җитә. Көне матур булсын, сәламәт булсыннар... - ди авыл җирлеге башлыгы Әнәс Хәкимов.