"Гел Әтнә районын кертеп сөйлиләр"
Әтнә кызларының Бөтендөнья татар яшьләре форумында катнашканын хәбәр иткән идем.
Форум эшчәнлегендә Яңа Шашыдан – Чулпан Корбанова, Олы Мәңгәрдән – Рүзилә Фәттахова катнаша дип язган идем. Алар тәэсирләре белән уртаклашалар -
Кызларыбыз кая гына барсалар да Әтнәбез өчен горурланып йөриләр.
- Форумда Проектлар буенча сүз алып барылганны беләсез инде. Бездә проектлар юк иде. Татарстаннан 8 зур проект бар иде. Иң саф татар районы буларак оештыручылар безне - Әтнәне гел чыгышларга кертеп сөйлиләр. Горурланып йөрибез. Кечкенә генә мәйданчыкларда аралашканда кызыксынучыларга районыбыз турында, татарча аралашуыбыз турында сөйләдек. Гел Президиумнан Әтнәне әйткәч, безнең район белән кызыксынучылар күп, - дип сөйлиләр Чулпан белән Рүзилә.
Бүген кызларыбыз форумдагы яшьләр белән бергә Болгарга бардылар.
"Аннан кайткач Арчага барабыз, анда шәһәр көне була икән", дип хәбәр иттеләр.
Следите за самым важным и интересным в Telegram-каналеТатмедиа
Нет комментариев