184 бала тикшерелде

Әтнә район үзәк больницасында 184 баланың сәламәтлеге тикшерелде.

- Быел без диспансерлаштыруга кермәгән 18 яшькә кадәрге балаларның, яшүсмерләрнең сәламәтлеген тикшерәбез. 2263 баланың  184е инде тикшерелде. Бу тикшерү тамга өчен генә үткәрелми, нәкъ диспансер тикшерүе кебек һәрьяклап үткәрелә. Берәр төрле авырту табыла калса, кабат тикшерүгә җибәрелә, дәваланганчы табиблар күзәтүе астында була, - дип аңлата баш табиб киңәшчесе Азат Харис улы Гарипов. 

Бу милли проект Россия Президенты В.В. Путин кабул иткән, 2019 нчы елның гыйнварыннан гамәлгә кергән 12 проектның берсе кысаларында алып барыла. 

С.Мингатина фотосы