Рәмиснең планнары зурдан

Араларында Ары авы­лында яшәүче Рәмис Хәмидуллин да бар. “50 баш үгез асрарга уйлыйм – 6-8 айлык ит токымлы үгезләр тәрбиялим. Аларны 1 ел үстерәм”, – ди үзе. 10 елга арендага дип җирле күмәк хуҗалыктан 1 торак алган, әйтүенчә, уты бар, суын үзе казытырга ниятли. Моның өчен мөмкинлекләре җитәрлек – арбасы белән “Беларус” тракторы, “Пресс”, “Ворошилка”, 25 гектар тирәсе җире дә бар. Афәрин, үзендә 2 эш уры­ны да булдырган.
Шунысы кызык, әнисе Сә­лимә Хәмидуллина – 30 ел стажлы терлекче, за­манында сарык та, үгез дә тәрбияләгән. Рәмис тә әни­сенә ияреп әнә шул фер­мага еш йөри торган булган. Тиздән авыл хуҗалыгы фәннәре кандидаты исемен алачак җәмәгате Гөлия нык ярдәм итә аңа. “Ә иң зур ярдәм – 5 яшь­лек улыбыз Раяздан”, – дип көлешәләр. Шулай да фермерлык белән шө­гыль­ләнүгә егәрлекне үзебезнең Әтнә техникумында укыган вакытта ук алган бугай ул, укыган елларын куанып искә ала.
Ә бүгенге эшенә килсәк, киләчәктә аны ки­­ңәйтергә исәпли. “Дәү­ләт яр­дәме тагын да булса, бәл­ки, ат та тәрбия­ләп карармын”, – ди.