249 кеше коронавирус инфекциясе йоктырган
Бер тәүлек эчендә коронавируска 1,8 мең (пандемия башланганнан алып 4 миллионнан артык) тест үткәрелгән.
Татарстанда соңгы тәүлектә Covid-19 коронавирус инфекциясе йоктыруның 249 яңа очрагы ачыкланган.
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча Баш идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«Узган тәүлектә коронавирус инфекциясе йоктыруның 249 яңа очрагы теркәлгән. Шул рәвешле, республикада әлеге вирусны эләктергән кешеләрнең гомуми саны 37 057гә җитте», — дип хәбәр итте ул.
Бер тәүлек эчендә коронавируска 1,8 мең (пандемия башланганнан алып — 4 миллионнан артык) тест үткәрелгән.
ТР сәламәтлек саклау министры урынбасары Владимир Жаворонков республикада узган тәүлектә коронавирустан 312 кешенең терелүен әйтте.
Следите за самым важным и интересным в Telegram-каналеТатмедиа
Нет комментариев