Татарстанда бер тәүлек эчендә 114 кеше коронавирус инфекциясе йоктырган

Татарстанда соңгы тәүлектә Covid-19 коронавирус инфекциясе йоктыруның 114 яңа очрагы ачыкланган. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча Баш идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.

«Узган тәүлектә республикада коронавирус инфекциясе йоктыруның 114 яңа очрагы теркәлгән. Шул рәвешле, республикада әлеге вирусны эләктергән кешеләрнең гомуми саны 44 072гә җитте», - дип хәбәр итте ул.

Татарстан сәламәтлек саклау министры урынбасары узган тәүлектә коронавирустан 97 кешенең терелүен әйтте.

Чыганак: https://tatar-inform.tatar/news/health/14-01-2022/tatarstanda-ber-t-lek-echend-114-keshe-koronavirus-infektsiyase-yoktyrgan-5847176