Әтнә таңы

Татарстанда коронавирус инфекциясенең 38 яңа очрагы теркәлгән

Авырулар белән аралашкан 3 мең кеше һәм коронавирус инфекциясенә охшаган симптомнар күзәтелгән пациентларны табиблар күзәтеп тора.

Татарстанда соңгы тәүлектә Covid-19 коронавирус инфекциясе йоктыруның 38 яңа очрагы ачыкланган.

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.

«Узган тәүлектә Татарстан Республикасында коронавирус инфекциясенең 38 яңа очрагы теркәлде. Шул рәвешле, республикада әлеге инфекцияне йоктырган пациентлар саны 20 155 кешегә җитте», — дип хәбәр итте спикер.

Реклама

Аның сүзләренчә, авырулар белән аралашкан 3 мең кеше һәм коронавирус инфекциясенә охшаган симптомнар күзәтелгән пациентларны табиблар күзәтеп тора.

ТР сәламәтлек саклау министры урынбасары Владимир Жаворонков билгеләп үткәнчә, Татарстанда бер тәүлек эчендә 24 кеше коронавирустан терелгән.

Чыганак: https://tatar-inform.tatar/news/health/30-04-2021/tatarstanda-koronavirus-infektsiyasene-38-ya-a-ochragy-terk-lg-n-5821709

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: