Татарстанда тагын 52 кеше коронавирус инфекциясе йоктырган

Татарстанда узган тәүлектә 52 кеше коронавирус йоктырган. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде.

«Узган тәүлектә республикада яңа коронавирус инфекциясенең 52 очрагы теркәлгән. Шулай итеп, үсеш буенча - 24 233 очрак», - дип хәбәр итте ул.

ТР Баш санитар табибы урынбасары сүзләренчә, белгечләр тәүлек эчендә Covid-19га 8,2 мең тест үткәргән, барлыгы 3,1 миллионнан артык татарстанлы тикшеренү узган.

ТР сәламәтлек саклау министры урынбасары Владимир Жаворонков билгеләп үткәнчә, коронавирустан 21 мең татарстанлы дәваланган, шул исәптән соңгы тәүлектә — 86 кеше.

Чыганак: https://tatar-inform.tatar/news/health/06-08-2021/tatarstanda-tagyn-52-keshe-koronavirus-infektsiyase-yoktyrgan