Татарстанда тагын 53 кеше коронавирус йоктырган

Татарстанда бер тәүлектә коронавирус йоктыруның 53 яңа очрагы ачыкланган.

ТР Сәламәтлек саклау министрлыгының матбугат хезмәте хәбәр иткәнчә, 32 кеше хастаханәгә озатылган, 21 кеше өендә дәвалана.

Инфекция йоктыручыларның күбесе 60-70 яшь аралыгында ачыкланган, ике пациентка 18 яшь тулмаган.

Казанда — 29, Түбән Камада - дүрт, Чаллыда — өч очрак ачыкланган.

Эпидемия башланганнан алып республикада коронавирус инфекциясенең 18 082 очрагы теркәлгән, 14 692 кеше (шуларның 107е — узган тәүлектә) терелгән.

Чыганак: https://tatar-inform.tatar/news/health/02-03-2021/tatarstanda-tagyn-53-keshe-koronavirus-yoktyrgan