Балалар белән ниләр генә кыландырмадылар Олы Бәрәзәдә

Район үзәк чыршысы янында кичке якта концерт-тамаша булмаса да, авыллардагы мәдәният йортлары  хезмәткәрләре авыл халкын, балаларны да гел төрле чаралар уздырып, бәйрәм ясап торалар. Олы Бәрәзә мәдәният йортында да балалар өчен Яңа ел чарасы узды. 

Ниләр генә  ниләр генә кыландырмадылар мәдәният хезмәткәрләре. Бу көнне балалар тавышыннан мәдәният йорты гөрләп торды. Балаларның гына түгел, өлкәннәрнең дә уйныйсылары килеп киткәндер бу уеннарны күреп. Балалар күзләрен бәйләп аяк киемнәрен дә эзләделәр, Кыш бабай белән Кар кызы биремнәрен дә үтәделәр. Бәйрәшм тамашасына кызыл Аю да килгәч, балаларның куанганын күрсәгез. Аның белән уйнадылар да, фотога да төштеләр. 

Бәйрәм тамашасы бик күңелле үтте. Афәрин!

Ә бәйрәмнең ничек узганын күзаллыйсыгыз килсә, фотоларга карагыз.