Биектауда авариягә юлыккан җиңел машина пассажиры хастаханәдә үлгән

«Авариядә зыян күргән бер кеше Биектау район хастаханәсенә бик авыр хәлдә китерелгән иде, ул реанимация бүлегендә вафат булды», – дип аңлаттылар ТР Сәламәтлек саклау министрлыгының матбугат хезмәтендә.

Тагын бер зыян күргән кеше 7нче шәһәр хастаханәсенә урнаштырылган. Табиблар аның хәлен уртача авырлыкта дип бәяли.

Элегрәк «Татар-информ» бүген көндез республиканың Биектау районында Ravon һәм Land Rover машиналары бәрелешкәнен хәбәр иткән иде. Юл-транспорт һәлакәтендә машина йөртүче һәлак булды. 

Чыганак:https://tatar-inform.tatar/news/incident/10-05-2021/biektauda-avariyag-yulykkan-i-el-mashina-passazhiry-hastahan-d-lg-n-5822662