Гөлсәгъдәт әбине бу юлы 95 яшьлек юбилее белән котладык

Ары авылында яшәүче Фазуллина Гөлсәгъдәт Фазулла кызына 14 февраль көнне 95 яшь тулды. Әле дә яшәүнең тәмен белеп яшәгән әбекәйгә сокландык. Тормышы җиңел булмаса да, зарланмый. Йөзендә һәрвакыт елмаю аның.
Әбекәйне олы юбилее белән котларга Күлле Киме авыл җирлеге башлыгы Хәмит Гәрәев, Күлле Киме авыл җирлегенең ветераннар советы рәисе Саймә апа Сабирова, социаль яклау оешмасыннан Лилия Галимҗанова килделәр. Алар юбилярга үзләренең иң изге теләкләрен җиткерделәр.

Гөлсәгъдәт әбине 100 яшьлек юбилее белән котларга да насыйп булсын иде.