«Кояшкай» балалар бакчасы яңадан ачылды (фотоларда)
Капиталь ремонттан соң, Олы Әтнә авылындагы «Кояшкай» балалар бакчасы яңадан ачылды.
Олы Әтнә авылында урнашкан «Кояшкай» балалар бакчасы капиталь ремонттан соң кабат ачылды.
Республика көне алдыннан сабыйлар һәм дә әти-әниләр өчен менә дигән бүләк булды бу. Бәйрәм чарасына әти-әниләр дә килгән иде. Һәркем балалар бакчасының матурлыгына сокланды. Тантанада катнашкан район хакимияте башлыгы Габделәхәт Хәкимов та:
- Бу бакчага бер тапкыр ремонт булган иде. Әмма тиешле ремонт эше сыйфатлы итеп башкарылмады. Ә бу юлы үзегез үк күреп торасыз, балалар бакчасы тышкы һәм эчке яктан да матурайды, – диде.
Кунак булып килгән депутат Камил Нугаев та бәйрәмгә килүчеләрне шушы шатлыкны көн белән котлады.
- Чыннан бүген бәйрәм. 30 Республика көне, мондый балалар бакчасы кабаттан ачылу шушы матур көнгә туры килә. Бакчага йөрүче сабыйлар авазыннан яңгырап торсын, илебездә тынычлык булсын, – дип һәркемгә иң зур теләкләрен җиткерде..
Следите за самым важным и интересным в Telegram-каналеТатмедиа
Нет комментариев