Татарстан электр самокатлары белән юл-транспорт һәлакәтләре иң күп булган төбәкләр арасына кергән

Татарстан шәхси мобильлек (СИМ) чаралары катнашында теркәлгән юл-транспорт һәлакәтләренең иң күп теркәлгән төбәкләре исемлегенә керде, аларга шул исәптән электр самокатлары да керә.

2022 елның беренче яртыеллыгында республикада шундый ун һәлакәт булган, дип хәбәр итә эчке эшләр министрлыгы мәгълүматлары.

Тулаем Россия буенча мондый юл-транспорт һәлакәтләре саны бер ярым тапкырга арткан. Һәлак булучылар саны да ике тапкыр арткан — алты үлем очрагы теркәлгән. 78,8% очракта СИМ белән булган инцидентлар җәяүлеләрне бәрдергәннәр, шуларның өчтән бере — җәяүлеләр кичү урыннарында.

Мәскәү (94), Санкт-Петербург (57), Свердловск (16), Түбән Новгород (18) һәм Кемерово (11) өлкәләре, тагын Краснодар крае (26) лидерлыкка чыкты, дип хәбәр итә «Коммерсант».

Россия Эчке эшләр министрлыгының Юл хәрәкәте иминлеген тәэмин итү буенча Баш идарәсе башлыгы полиция генерал-лейтенанты Михаил Черников июнь азагында электр самокатлары статусы 2022 ел азагына кадәр җайга салыначак дигән фикер белдерде.

Татарстанда да электр самокатлары мәсьәләсе хакында фикер алышалар. Татарстан Республикасы Транспорт һәм юл хуҗалыгы министрлыгының Стратегик үсеш идарәсе башлыгы Артур Захарян фикеренчә, арендаланган самокатларның хәрәкәт тизлеген чикләргә, ә алар җәяүлеләр кичүенә чыкканда аларны кушымтада блокларга кирәк. Гомумән, Татарстанда ел башыннан бирле электр самокатларында йөрүче 735 кеше җаваплылыкка тартылган.