Әтнә хоккей лигасы старт алды

Көннәр суык булуга карамастан, районда ӘХЛ уеннары башланып китте. Һәрвакыттагыча, уеннар шимбә һәм якшәмбе көннәрендә үтә. Әтнә хоккей лигасында барысы 5 команда катнаша: Күәм, Шашы, Бәрәскә, Әтнә һәм Мәңгәр. Узган атналарда Олы Әтнә һәм Күәм боз мәйданчыкларында беренче уеннар уйналды.

Нәтиҗәләр түбәндәгечә:

Күәм-Әтнә – 10:1;

Бәрәскә-Шашы – 2:4;

Күәм-Бәрәскә – 2:1.

Бу атнада Күәм боз мәйданчыгында Күәм-Мәңгәр, Олы Әтнәдә: Әтнә-Шашы, Әтнә-Бәрәскә, Шашы-Мәңгәр командалары очраша. Уеннар барышы белән таныштырып барачакбыз.