Талпан әтнәләргә дә зыян сала башлаган

Әле яз башлана гына, инде талпан кадалу очрагы Әтнәдә дә теркәлде. Бер ир үз бакчасында эшләгәндә талпан кадалып килде, дип хәбәр итә район үзәк больницасының  табиб эпидемиологы Азат Гыймадиев. Узган ел 43 әтнәле талпаннан зыян күргән. Шуның  13е - бала. 

Эскәк белән бөҗәкнең баш тирәсеннән эләктереп, әкрен генә  бөтереп чыгарырга кирәк.

Әгәр бөҗәк нык кадалган һәм аны эләктереп булмый икән, зарарланган урынга үсемлек мае сөртегез. Бераздан, суларга һава бетеп, бөҗәк үзе чыгар. Җәрәхәткә йод сөртеп куегыз, кулны сабынлап юыгыз. Авыл фельдшерларына, "Ашыгыч ярдәм" бүлегенә күренергә онытмагыз.

Урманга, агачлы җирләргә барсагыз, үзегезнең бакчагызга чыксагыз да , киенеп чыгыгыз.

Фото: С.Мингатина һәм https://pixabay.com/ru/