Тараканның нәрсә яратканын беләсезме? Шуннан файдаланыгыз

Тараканнар арыш икмәге белән сыра яраталар икән. 

Аларның шушы "йомшак ягыннан" файдаланырга кирәк. Кичен кухня идәненә фанера яки катыргы җәясең,  аның уртасына  сырада чылатылган бер телем  арыш икмәге куясың. Шул җим тирәсен  3-4 кат тараканнарга  каршы эшләнгән  агулы карандаш белән сызгалап чыгасың.  Барлык ярыклардагы  бөҗәкләр  шунда чыгалар һәм үзләренә җитәрлек агуны да алып өлгерәләр. 

Ике атна дәвамында кабатларга кирәк моны. Әмма икмәк һәм сыра  яңа гына сатып  алынган булсын - бу бик мөһим!

Фото:https://pixabay.com/ru/