Әтнә таңы

Әтәчләр ник төнлә кычкыра?

Берничә төрле аңлату ишеткән бар.

Кайнанам гел "Әтәч кычкырганда теләк телә, кабул була", дип әйтә иде. Аның әйткәнен озак уйлап йөрдем, ничек инде әтәч кычкырганда теләгән теләк кабул булсын, янәсе.

Соңрак күзәтә башладым, әтәчләр намаз вакыты җитәрәк кычкыра башлыйлар. Бәлки шуңа кабул буладыр. Аллаһы Тәгалә бар тереклекне үзенә гыйбадәт кылу өчен яраткан. Чыпчыклар да намаз вакыты алдыннан үзләренчә юыналар, агачларда да сәер хәрәкәтләр күзәтелә.

Ә ник төнлә кычкыра соң әтәч?

Реклама

Белгечләр моны болай аңлата: кояш баю белән барлык көндезге кошлар йокыга тала, әтәчләр дә йоклый. Ләкин төн уртасында ни өчендер  кинәт яңгыратып "Кик-ри-күк" дип кычкырган тавыш ишетелә.  бу хәлне борынгылар, имеш, әтәч төнлә кычкырып җеннәрне куркыта икән дигән төрле имеш-мимешләр дә уйлап чыгарганнар. 

Ә чынлыкта бу бик гади, ди белгечләр, әтәчләрнең туган иле - экваторган якын булган Һиндстан, Малакка ярымутраулары һәм Һинд океанының көньяк утраулары. Ә экваторда көн һәм төн ел әйләнәсенә бер үк озынлыкта, төгәл 12 шәр сәгать була: кояш иртәнге 6 да чыга, кичке сәгатҗ 6 да байый. Шуңа күрә андагы кошлар бер үк вакытта йокларга гадәтләнгәннәр. 

Бездәге әтәчләр дә үзләренең элеккеге туган илләрендә таң аткан вакытта кычкыралар икән. 

Ф. Кадимов фотосы

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: