Әтнәгә кыр казлары килде

Ә тавышлары... Күпләп күренмәсәләр дә әлегә, еш очалар. Иртәрәк килделәр кебек быел. Ничәмә мең чакрымнар узып туган якларына кайтканнар. Өлкәннәр узып барган кыр казларын санамаска кушалар иде. Имеш, санасаң аерылып, таралып бетәләр. Кечкенәдән табигатькә уңай караш тәрбияләгәннәр. Халык сынамышлары буенча:  29 мартта көн нинди була, апрель ае буе шул һава торышы сакланачак, имеш. Бирсен Ходай.

Бу фотолар узган елгы төшерелделәр. Исән-имин кайтып, бәбиләр чыгарырга язсын казларыбызга.