Әтнә таңы

Күңелле чара

ТАССР төзелүгә 100 ел булу уңаеннан, мәктәптә төрле чаралар үткәрелә.

Реклама

Әлфинә Галиәхмәтова,                                                               Түбән Көек төп гомуми белем мәктәбе
 Мәктәп күләмендә “Туган ягым – яшел бишек” дип исемләнгән чара үтте. Аны 6 һәм 8 сыйныфлар җитәкчесе Лилия Мөбәрәкшина үткәрде. Монда укучылар табигатьне саклау кагыйдәләрен искә төшерделәр, шифалы үләннәр һәм аларны ничек куллану турында мәгълүмат алдылар, туган як турында шигырьләр һәм җырлар башкардылар.
Кичәбездә кунаклар да катнашты: “Ашыт” дәүләт табигый тыюлыгы хезмәткәрләре Рәшит Әхмәтҗанов һәм Гөлнара Габдрахманова, ТР Экологик һәм табигать ресурслары министрлыгының төньяк территориаль идарәсе хезмәткәре Фирдәүсә Латыш.
Алар да буш кул белән килмәгән иде. Табигать һәм кешелек дөньясы, аны саклау юллары, “Ашыт” тыюлыгындагы “Кызыл китап”ка кертелгән үсемлекләр һәм кошлар турында сөйләделәр. Сазлыклар турында бик эчтәлекле презентация күрсәттеләр. Укучыларга истәлек бүләкләре дә тапшырдылар. Кичәдән һәркем канәгать калды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: