Мәңгәр театры артистларына бүләк ясады

Олы Мәңгәр халык театры, үзенең юбилейлары уңаеннан, үзенең үзешчән артистларына бүләк ясады.

Бер төркем үзешчән артистлар Казанга, Г.Камал театрына Илгиз Зәйниевнең "Бию пәрие" спектаклен карарга бардылар. 

- Быел театрыбызның Халык театры исемен йөртүенә 20 ел була. Гомумән алсак, театрыбызның 90 еллык тарихы бар. Үзешчән артистларның хезмәте җиңел түгел, шулай булса да, бер уйнаган артистлар сәхнәдә уйнаудан туктамый. Рәхмәт аларга. Билетларны артистларыбызга бүләк итеп алдым,  "Бию пәрие"н ял итеп карадык,  кайтканда фикер алыштык...  -ди театрның режиссеры Рафис Сәләхетдинов.

С.Мингатина фотолары